توافقى تتجوزى من واحد غنى !!!؟؟؟
صفحة 1 من اصل 1
توافقى تتجوزى من واحد غنى !!!؟؟؟
توافقى تتجوزى واحد شكله مش عاجبك عشان غنى ؟؟
موضوع حيرنى وسمعت فيه اراء مختلفة كتير وحبيت اقولكم عليه :
لو اتقدملك انسان اكبر منك فى السن بس مش كتير للدرجة اكبر منك بحوالى 10 سنين مثلا وغنى جدا بس شكله مش عاجبك ومش حاسة بارتياح من ناحيته وانه مش هو دة الانسان اللى كنتى بتحلمى تتجوزيه وترتبطي به طول حياتك واخدتى راى الناس اللى حواليكى ولقيتى الناس اتقسمت لفريقين :
الفريق الأول : ناس بتقولك وافقى عليه فورا دة عريس لقطة هو فى حد لاقى يتجوز اليومين دول وكمان العريس غنى اطلبى منه كل اللى انتى عايزاه وحتعيشى عيشة كويسة وكل اللى نفسك فيه حتلاقيه طالما العريس اكبر منك وانت صغيرة يبقى ادلعى عليه براحتك والحب بييجى بعد الجواز
الفريق التانى : ناس بتقولك طالما انتى مش متقبلة العريس بلاش توافقى عليه الجواز مش لعبة ودى مش اكلة حتكليها غصب عنك دة جواز يعنى ارتباط بانسان وبلاش تظلميه معاكى طالما مش حتقدرى تحبيه
تعملى ايه ساعتها ؟ وايه حيكون موقفك ورد فعلك ؟؟ وحتسمعى كلام انهى فريق ؟؟؟
توافقى تتجوزيه عشان فرصة ومش حتتكرر يجيلك انسان غنى بالشكل دة وعشان ما يتقلش عليكى عانس وتهربى من الكلمة الجارحة دى
ولا تقولى لأ مش حتجوز غير الانسان اللى يكون شكله عاجبنى ومرتاحة له ولو مجاش الانسان دة اقعد عانس احسن لى المهم ابقى مبسوطة ومرتاحة نفسيا للعريس
اتمنى من البنات التفاعل والرد على الموضوع واذا كان فى بنت اتعرضت للموقف دة ولا لأ تقول ايه كان موقفها ورد فعلها او لو كانت تعرف اى واحدة من المحيطين بيها اتعرضت للموقف دة تقول لنا ايه كان رد فعها وعملت ايه!!!؟؟؟
كما يهمنا رائ الولاد لو هما قدام نفس السؤال !!!؟؟؟
Erini lavender- مشرف منتدى إكليل الحياة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى